Имрӯз дар толори маҷлисгоҳи Донишгоҳи давлатии тиҷорати Тоҷикистон ба муносибати Рӯзи парчами давлатӣ чорабинии тантанавии мақомоти иҷрои ҳокимияти давлати ноҳияи Фирдавсии шаҳри Душанбе таҳти унвони "Парчамат бодо парафшон, Тоҷикистон" баргузор гардид.
Дар чорабинии мазкур роҳбарияти мақомоти иҷроияи ҳокимияти давлатии ноҳия, роҳбарони ташкилоту муассисаҳои ноҳиявӣ, инчунин ҳайати омӯзгорону донишҷӯёни ДДТТ иштирок намуданд.
Муовини Раиси ноҳияи Фирдавсӣ Шукурзода Саодат Нусратулло баъд аз ворид гардидани Парчами давлатӣ ба толор аз номи Раиси ноҳияи Фирдавсӣ ҳозиринро ба Рӯзи парчами давлатӣ шодбош гуфта, қайд намуданд, ки кулли мардуми бонангу номуси тоҷик бо азму талоши созанда ва бо парафшонии Парчами давлатии соҳибистиқлоли худ минбаъд низ барои ба як мулки пешрафта табдил додани Тоҷикистони маҳбубамон саҳми арзандаи худро мегузоранд.